الشَّاعَرْ الْحَاجْ وَلْدْعَبْدَ اللهِ وَلْدْالرَّبَّانِي
خَلِّ عَنَّكْ يَالْبَالْ اَشْكَالْ... الْمَلْهَا وَ انْوَاعْ التَّحْفاَلْ
وَ الطَّرْبَة وَ التَّسْدَارْ الْزَالْ.. مَنْ عَزَّتْهَمْ هوُمَا وَ ارْفوُدْ
هَمْ الدَّنْيَا هّاذ ُيَالْبَالْ.... خَاتَرْلَكْ عَنْهَمْ ظَرْكْ اتْعوُدْ
وَاحَلْ فَاخْيَارْ اَللِّ يَنْﮜَالْ... وَ اخْيَارْ الْمَطْرُوحْ وُ مُرْفوُدْ
مَدْحْ الصَّادَقْ لَمِينْ الدَّالْ.... انْبِينَا مُحَمَّدْ مَحْمُودْ
الْبَدْرْ الْمُنِيرْ اَللِّ زَالْ ِبيهْ الظَّلْمْ اَللِّ كاَنْ ِاسُودْ
الْوُجُودْ النُّورْ الْمِثاَلْ ...وَ الْخَلْقْ الْعَظِيمْ وُ فَالْجُودْ
اَفْضَلْ وَاخْيَارْ الْخَلْقْ اَقْوَالْ... وَافْعَالْ وُ ﮜَوْلَة ْذاَكْ اَبْرُودْ
الْبَشِيرْ النَِّذيرْ اتْنَالْ... ابْمَدْحْ الْمَخْتَارْ المَقْصُودْ
مَدْحُ طَالْ الدَّهْرْ وُ لاَ طاَلْ ...اللَّسْنَة مَا تَحْصِيهْ اِكُودْ
عَنْهَا لاَهِي تَحِْص مَثْقَالْ.. ذَرَّة مَنوُّ مَاهوُ مَعْدُودْ
مَدْحُ خَلْقْ وُ خُلُقْ وُ تَعْدَالْ... وَاحْمَدْ هُوَ سِيد ْالْوُجُودْ
اَللِّ ِبيهْ اخْلًﮜْ بَسْمَنْ حَالْ... تَحْصِ مَثْقاَلْ اَمْنْ الْمَوْجُودْ
مَنْ خَصْلَة فَالليِّ ِبيهْ اَﮜْبَالْ... خَلْﮜَتْ خِصَالْ الْخَلْقْ السُّودْ
وَ الِْبيظْ امْنَ انْتِشَايْ الْحَالْ... اِلَيْنْ الْحَشْرْ اَللِّ مَوْعُودْ
مَنْ بَرْكَةْ لَمِينْ , الْجَلاَلْ.... وَجَّدْنَا لِلاَهْ الْمَعْبُودْ
وَاخْتَمْ ِبيهْ الرَّسْلَ بَاكْمَالْ..... وَ انْعَتْ ِبيهْ الْخَلْقُ حُدُودْ
ِلسْلاَمْ , وُلاَ خَالَﮜ ْفَلْحَالْ.... ِدينْ افْنَصْ الْﮜَالْ الْوَدُودْ
غَيْرُ مَقْبُولْ اَمْنْ الْمُحَالْ.... هُوَ ِدينْ اللهْ الْمَحْمُودْ
اَللِّ جَابْ اَرْسُولْ الْفًعًالْ.... خَصُّو ِبيهْ اَطِْرِيﮜ ُمَكْرُودْ
اَعْلِيهْ اَنْصَِل وَاعْلَ لاَلْ... وَ الصَّحَابَة رَمْزْ الصُّمُودْ
وَانْصَليِّ مَاِن مَنْهَا مَالْ... وَقْتْ الْحَرْ وُسَاعَةْ لَبْرُودْ
ذَاكْ الشَّافَعْ يُومْ الْمِيعَادْ ==فَعْبِيدَكْ يَالْحَيْ الْجَوَّادْ
ابْمَدْحُ جَيْتَكْ مَاِن ﮜَادْ === ماَ نَطْلَبْ عَفْوَكْ عَنْ مَحْصُودْ
فَعْلْ اذْنُوبِي ذ َ الْيَاسَرْ عَادْ == يَلِلاَهْ الْحَيْ الْمَعْبوُدْ
تَغْفَرْلِي لاَ جَيْتَكْ مَنْﮜَادْ === مَلْفُوفْ افْشَرِْويط َمَرْفوُدْ
يَالْخَِبيرْ ابْسَرْ الْعِبَادْ === مَا يَﮜْدَرْ حَدْ ابْذَنْبْ اِلوُدْ
عَنْ عَلْمَكْ يَالْكَِريمْ الْوَادْ === اعِْبيدَكْ لاَطَلْبُوكْ اتْجُودْ
ابْعَفْوَكْ مَا عَنْدِي تَلْوَادْ دُونَكْ يَاللهْ الْعَفوُ اِكوُدْ
وَ الْوَالِدَيْنْ افْذاَكْ اَﮜْدَادْ == امْعَايَ وَ اهْلِي فاَلْمَعْدُودْ
وَ الْعَشِيرْ ابْﮜَدُو وَ اجْدَادْ == لَرْحَامْ اَللِّ خَلاَّوْ اجْدُودْ
مَنْ لَمْنَاتْ امْعَاهَمْ لَوْلاَدْ == وَ الْوَالَدْ كَامَلْ وَ الْمَوْلوُدْ
وَ اللِّ جَادْ اَعْلِيَ وَ الْجَادْ == اَعِْليهَمْ جَاِزيهْ ابْمَوْعوُدْ
غَفْرَانَكْ وَاشْيَاخِي لَمْجَادْ == وَ الْمُسْلِمِينْ اَبْلاَ حُدوُدْ
اَفْجَمِيع ْاَطْرًافْ الْبِلاَدْ ِ== بيظْ وُ سُودْوُ نَرْجَعْ وَانْعُو دْ
اَعْلِيهْ انْصَلِّ وَاعْلَ لاَلْ == وَ الصَّحَابَة رَمْزْ الصُّمُودْ
وَانْصَليِّ مَاِن مَنْهَا مَالْ == وَقْتْ الْحَرْ وُسَاعَة ْلَبْرُودْ
الثلاثاء 15 فبراير 2011, 13:42
